AWE Academy for Women Entrepreneurs

Frumkvöðlahraðall HÍ fyrir konur:
Ert þú með góða viðskiptahugmynd?


Hvað er AWE?

Háskóli Íslands stendur í vetur fyrir frumkvöðlahraðli fyrir konur undir merkjum AWE eða Academy for Woman Entrepreneurs í samvinnu við bandaríska sendiráðið á Íslandi. Aðrir samstarfsaðilar eru FKA – félag kvenna í atvinnulífinu og Samtök kvenna af erlendum uppruna.Þetta er í þriðja sinn sem hraðallinn er haldinn.

Aldrei hefur verið mikilvægara en nú að fjölga sprotum og efla nýsköpun í íslensku efnahagslífi og að sama skapi auka hlut kvenna á þeim vettvangi. Markmið hraðalsins er að efla konur til að þróa áfram sínar viðskiptahugmyndir, bjóða upp á fræðslu og efla tengslanetið.

Verkefnið er á vegum bandarískra stjórnvalda og er í boði víða um heim. Það samanstendur af netnámskeiðinu Dreambuilder á vegum Thunderbird School of Managament við Ríkisháskólann í Arizona og vinnulotum sem Háskóli Íslands heldur utan um. Ein staðlota verður haldin á Bifröst í samvinnu við Háskólann á Bifröst. 

Virkjum nýsköpunarkraft kvenna!

Við vorum með kynningarfund 31. janúar kl. 12:30 – endilega kíktu á hann

Umsóknarfrestur er til og með 9. febrúar. Þú getur sótt um hér.

Fyrir hverjar?

""

Konur á öllum aldri geta sótt um að taka þátt í hraðlinum og verða 30-40 umsækjendur valdir til þátttöku. Bæði einstaklingar og lið/teymi geta sótt um.

Þær konur sem valdar verða til þátttöku skuldbinda sig til að fara í gegnum efni netnámskeiðsins og taka þátt í vinnulotum.

 

Æskilegt er að umsækjendur hafi viðskiptahugmynd sem þróuð verður í gegnum námskeiðið.

Eða hafi nýlega stofnað fyrirtæki sem hefur gagn af því að fara í gegnum hraðalinn. 

""

Við hverju má búast?

Kona situr við fartölvu, hún er dökk á hörund og í appelsínugulri peysu.

STUÐNINGUR

Sérfræðingar innan og utan Háskóla Íslands styðja við bakið á þátttakendum.

Tvær konur standa og tala saman. Önnur þeirra er af suður amerískum uppruna en hina af evrópskup uppruna.

TENGSL

Tengslatorg HÍ og náms- og starfsráðgjafar HÍ hjálpa þér að efla tengsl.

Kona af asískum uppruna stendur. Í kringum hana eru bækur, fartölva og ljósapera sem gefur til kynna góða hugmynd.

VÖXTUR

Nýsköpunarhraðall hjálpar þér að vaxa og koma hugmyndinni í verk. Þú virkjar þinn innri kraft!

Stuðningsaðilar

Ýmsir aðilar hafa lagt hönd á plóg við skipulag vinnulota hraðalsins. Eftirfarandi aðilum er þakkað fyrir þeirra stuðning og framlag: